Rafræna skírteinið er einnig notað við skipti á öðrum viðkvæmum upplýsingum svo sem fjárhagslegum eða persónulegum. Heimabankar eru t.d. ávalt notaðir í dulkóðuðum samskiptum byggðum á rafrænum skírteinum.

Rafræn skírteini / auðkenni eru mismunandi traust þ.e. mismunandi stig eru á því hversu vel auðkenndur sá er sem hefur fengið skírteinið útgefið í sínu nafni. Á lægstu stigum auðkenningar fer fram nokkuð yfirborðskennd auðkenning með tölvupósti og kannski símtali frá útgefanda til þess sem á að auðkenna en á hæstu stigum fer fram ýtarleg könnun á mörgum sviðum sem öll þurfa að staðfesta og styðja hvert annað. Þetta kemur fram í skírteininu sjálfu en það er hægt að skoða í vafranum hjá sér þegar maður flettir upp auðkenndri vefsíðu (sjá hér t.d.)

Í varfranum má sjá tvö megin merki þess að samskiptin eru dulkóðuð. Byrjunin á slóðinni að vefsíðunni er https:// í stað http:// og aftan við slóðina og oftast neðst í glugganum einnig má sjá mynd af lás. Ef smellt er á lásinn koma upp upplýsingar um rafræna skírteinið, hverjum það tilheyri og hver gaf það út ofl. Sér rafræna skírteinið útrunnið kemur tilkynning um það strax og vefsíðunni er flett upp. Hægt er að hunsa þá tilkynningu ef maður treystir viðkomandi vefsíðuútgefanda.